АНУ-ын Техас мужид 2022 онд 7 настай Атена Странд охиныг хулгайлж, амийг нь хөнөөсөн FedEx-ийн жолооч Таннер Хорнерт шүүхээс цаазаар авах ял оноолоо.
Тэрээр анх хэргээ нуусан ч эцэст нь буруугаа хүлээн зөвшөөрсөн байна. Охины цогцсыг алга болсноос 2 хоногийн дараа олсон бөгөөд энэ хэрэг олон нийтийг цочроосон аймшигт гэмт хэрэгт тооцогдож байгаа юм.
Шүүхийн шийдвэр: 2026 оны 5-р сарын 5-нд болсон шүүх хурлаар Таннер Хорнерт цаазаар авах ял (lethal injection) оноолоо. Учир нь шүүх түүнийг “нийгэмд онц аюултай этгээд” гэж үзэж, өршөөл үзүүлэх боломжгүй гэж дүгнэжээ.
Шүүхийн явцад ил болсон зүйлс: Охиныг машиндаа суулгаж аваад явсан ба зодож, боож, амийг нь хөнөөсөн. Зарим бичлэг, аудио нотолгоогоор охин “ээжийгээ дуудаж, амь гуйж байсан” нь илэрсэн байна.
