Монгол Ардын Намын анхны үүр байгуулагдсан, Ардын Намын анхны дарга төрсөн Архангай аймгийн Монгол Ардын Намын XXXIV бага хурал 2025 оны гуравдугаар сарын 14-ны өдөр Архангай аймгийн төв Цэцэрлэг хотод боллоо. Архангай аймгийн Монгол Ардын Намын XXXIV бага хурлаар аймгийн намын хорооны дарга, намын хороог 121 гишүүн, хяналтын хороог 9 гишүүнтэйгээр сонгож батлав.
Хуралд оролцсон бүх гишүүдийн 100 хувийн саналаар аймгийн намын хорооны даргаар Б.Цэрэннадмидыг улираан томилов.
Энэхүү хуралд УИХ-ын гишүүн, Аюулгүй байдал, гадаад бодлогын байнгын хорооны дарга Г.Тэмүүлэн, Монгол Ардын Намын Олон нийттэй харилцах, зохион байгуулалтын газрын дарга Ж.Дамдинцэрэн болон Хүний нөөцийн хөгжлийн хэлтсийн дарга Л.Дэжидмаа нар оролцов.
