БНСУ-ын хамгийн том дижитал банк болох “KakaoBank” олон улс дахь тэлэлтийн стратегийнхаа дараагийн алхмаар Монгол Улсыг сонгожээ.
Тус банк дотооддоо хөгжүүлсэн зээлийн оноо тогтоох “KakaoBank Score” системийг Монголын санхүүгийн байгууллагад нэвтрүүлэхээр төлөвлөөд байгаа юм. Сөүл хотод болсон хэвлэлийн хурлын үеэр Гүйцэтгэх захирал Юн Ху Ён Сөүл хүртээмжтэй батлагдсан загварыг Солонгосоос бусад улсад экспортлох боломжтой учраас дээрх алхам чухал ач холбогдолтой болохыг онцолжээ. Мөн энэ үеэр “Бид олон улсын зах зээлд тэлэхэд Индонез, Тайландад гаргасан амжилтаа хөшүүрэг болгон ашиглах болно” хэмээсэн байна. Тус банкны олон улс дахь анхны хөрөнгө оруулалт болох Индонезийн “SuperBank” нь өнгөрсөн оны арванхоёрдугаар сард тус улсын Хөрөнгийн биржид бүртгүүлж, түүнээс хойш улсдаа өсөлтөөрөө тэргүүлж буй дижитал банкнуудын нэг болсон байна.
