Дорнодын Халхгол, Матад сумын нутагт гарсан талын түймрийг унтраажээ

Date:

Сүхбаатар аймгийн Эрдэнэцагаан сумаас Дорнодын Матад сумын нутаг руу орсон түймрийг өчигдөр /2025.03.10/ 19.00 цагийн орчимд унтраажээ. Түймэр унтраахаар Дорнод аймгийн Онцгой байдлын газрын алба хаагчид болон Халхгол сумаас зургаан бүлэг ажиллаж, Халхгол сумын нутаг Вангийн цагаан уулын баруун дор барьж унтраав гэж Дорнод аймгийн Засаг даргын орлогч, Аймгийн Онцгой комиссын дарга Ч.Ганбат мэдээлэв.

Нэг түймэр дөнгөж унтраагаад байтал Матад сумын нутаг Бүрдэнэ гол хэмээх газарт түймэр цурамнаас алдагдсан гэх дуудлага ирж, гал унтраахаар ажилласан багийнхан дараагийн түймрийн голомт руу хөдөлжээ. Цурамнаас алдсан түймрийг урд шөнө 01.00 цагийн орчимд унтраасан байна.

Дорнод аймгийн нутагт гарсан талын түймрийн улмаас 20 гаруй айлын гэр, малын хашаа саравч, автомашин, хонь мал шатаж, гарз хохирол их гарчээ.

Дорнод аймгийн Халхгол сумын нутагт 2025.03.10-ны өдөр. 

Иймд Шадар сайд, УОК-ын дарга С.Амарсайханы тушаалаар зүүн аймгуудад гарсан түймэрт өртсөн айл өрх, иргэд, хүүхэд багачуудад эмнэлгийн тусламж үйлчилгээ үзүүлэх, орон гэр, орчны сэргээн босголтыг зохион байгуулах, сэтгэл зүйн зөвлөгөө өгөх, галд өртсөн мал сүргийг эрүүлжүүлэх, малын сэг зэмийг устгах, ариутгал халдваргүйтгэл хийх, амьжиргааг нь дэмжих Шуурхай ажлын хэсэг байгуулжээ.

Ажлын хэсгийг УОК-ын Нарийн бичгийн дарга, хурандаа Т.Баярхүү ахалж, ЭМЯ, НЭМҮТ, Мал эмнэлгийн ерөнхий газар, Зооноз өвчин судлалын үндэсний төв, ХХААХҮЯ, ХХЕГ, ЦЕГ, БХЯ,БОУАӨЯ зэрэг байгууллагын холбогдох албаны хүмүүс болон аймаг, орон нутгийн удирдлагууд газар дээр нь ажиллах юм.

Мөн Шадар сайдын тушаалаар түймэрт өртсөн 25 айл өрхөд гэр, хүнс, эрүүл мэндийн багц, дулаан хувцас хэрэглэл олгохоор шийдвэрлэсэн байна.

Мэдээллийн эх сурвалж: gogo.mn

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

Share post:

spot_imgspot_img

Popular

More like this
Related

Цагдан хорих 461-р ангийн хоригдогч нас барсан ноцтой хэрэг гарлаа

Цагдан хорих 461 дүгээр ангид эрүүгийн хэрэгт холбогдон, шалгуулж...

Дараах 10 байршилд хичээлийн хэрэгслийн нэгдсэн худалдаа болж байна

Хичээлийн шинэ жил эхлэх гэж буйтай холбогдуулан сурагч, оюутан...

Д.Мөнх-Эрдэнийн лайв дээр алхаж дуулиан тарьсан охин: Та нар тэр замаа л хар л даа…

Д.Мөнх-Эрдэнэ "Өндөр өсгийт"-тэй эмэгтэйчүүдээр "Тамын шоо" замыг турших лайв...