“Лайвчин” Д.Мөнх-Эрдэнэ “Төрийн байгууллагуудын шинэ жилийг үнэгүй хөтөлнө” гэж цахим орчинд бичсэн нь олны анхаарлыг татсан.
Улмаар түүнийг захиалсан шинэ жилд Улсын аварга О.Хангай өвлийн өвгөнөөр очихоо ч бас илэрхийлсэн. Мөн Б.Цэцэг тэдний очсон шинэ жилд цасан охин болж, хүний өөрийн гэхгүй рийл бичлэг хийж өгнө гэж сошиалдаа бичээд амжив.
Тэгвэл уг “мөрөөдлийн баг”-ийг Дундговь аймгийн Засаг дарга С.Мөнхчулуун аймгийнхаа шинэ жилд урьжээ. Тэрбээр “Хөтлөгч Д.Мөнх-Эрдэнэ, өвгөн аав О.Хангай, цасан охин Б.Цэцэг гурвыг хамтдаа 12 сарын 31-нд болох манай аймгийн шинэ жил дээр ирж оролцоно уу гэж урьж байна. 270-хан км шүү дээ. Манайх мөнгө байхгүй ээ. Гэхдээ бензинийг нь дүүргээд, нэг, нэг хонь, хэд хэдэн литр айраг дүүргээд л буцаана. Энэ гурвыг өөрсдөө хартал нь шэйрлээд, “таг”-лаад өгөөрэй” гэсэн байна.
Мөн дуулдгаараа алдартай УИХ дахь АН-ын бүлгийн дэд дарга Б.Пүрэвдорж “Би угаасаа үнэгүй дуулдаг. Хамтарцгаая” гэсэн байна.
