“Хилийн заставын хар нүдэн бүсгүй” дуугаараа олны сэтгэлд хүрч, жин дарах хоолойтой дуучин болохоо харуулсан Л.Болдбаатар “Хилийн заставт хар нүдэн бүсгүй байдаггүй юм билээ” гэж ярьж байсан удаатай.
Бүр багаасаа л дуучин болохыг хүсч мөрөөдсөөр Увс нутгаасаа хотод орж ирсэн тэрээр босго өндөртэй СУИС-д орсноо хувь заяа гэж боддогоо нуудаггүй.
Хөл хөдөлгөөнтэй хотод орж ирсэн эхний үедээ ойрын хамаатан С.Жавхлан болон, Цэцгэнд төөрсөн эрвээхэй”-гээрээ олонд танил болсон Д.Чулуунбаатар нартай гурвуулаа Монгол гэр хөлсөлж, “бор гэртээ богд” гэдэг шиг л өдөр шөнөгүй дуулж хуурдаж амьдарч байснаа ч ярих дуртай байдаг.
Тэгвэл одоо цагт “Gen Z” үеийнхний таашаалыг хүлээж, сонсох дуртай дуучнаар тодроод байгаа Л.Болдбаатар энэ зун залуу фэнүүддээ зориулж “Цэнгэлдэх хүрээлэн”-д тоглолтоо хийхээр болжээ
Тоглолтын тов удахгүй зарлагдах юм.
