Сэлэнгэ аймгийн Мандал сумын харьяат, Монгол Улсын аварга Гунаажавын Эрхэмбаярын нэрэмжит улс, аймаг, цэргийн цолтой 128 бөхийн барилдаан дөрөвдүгээр сарын 05-ны 13:00 цагаас эхэлнэ.
Улсын аварга Г.Эрхэмбаяр тавдугаар ангиасаа улсын начин М.Мижиддоржийн удирдсан бөхийн секцинд явж үндэсний бөх, чөлөөт бөхөөр барилдаж, оюутан болоод Их шавийн дээд сургуульд улсын харцага Г.Элбэг багшийн шавь болж бөх болох замнал нь эхэлсэн түүхтэй.
Тэрээр 25 насандаа улсын начин цол, 2013 оны улсын баяр наадамд ес даван түрүүлж Монгол Улсын аварга цолыг 35 насандаа хүртсэн юм.
