Сэтгүүлч: Арчилсан нам засагт хамтрах асуудал яригдаад байх шиг байна танд мэдээлэл байна уу?
С.Ганбаатар: Саяны мэдээлэл хэвлэл мэдээллээр явж байна лээ. Арай тийм нүгэлтэй зүйл хийхгүй байлгүй дээ, гайгүй байхаа. Байхгүй шүү дээ, тийм тэнэг юм гэж хаа байх вэ. Энэ чинь өнөөдөр Монголын ард түмэнд сөрөг хүчин шиг байх ёстой.
Өнөөдөр төр засагт болж байгаа хулгай, луйврыг бүгдийг нь ил болгох ёстой. Энэ үүргээ биелүүлээгүй байж сайдын суудал дээр өөрсдийгөө “биеэ үнэлнэ” гэдэг шиг тийм нүгэлтэй юм байхгүй байхаа гэж бодож байна. Жишээ нь, би ойрын үед газрын тосны үйлдвэрийн талаар ярьж байна. Түүнийг удирдаж байгаа хүн нь өөрөө хэлсэн шүү дээ. Монголчууд бидний хүүтэй нь төлөх 1.7 орчим тэрбум долларын өртөгтэй үйлдвэр баригдаж байгаа.
Гэтэл энэ газрын тосны үйлдвэрт орж ирсэн 480 сая доллар хаашаа орсон нь мэдэгдэхгүй байна, зориулалтын бусаар зарцуулсан байна гэж хариуцаж байсан захирал нь өөрөө хэлж байна шүү дээ. Энэ асуудал олон нийтийн мэдээллийн хэрэгслээр ч явсан. Үнэхээр бид нефть, бензинтэй болъё, энэ мөрөөдлөө хэрэгжүүлье гэж байгаа бол маш сайн хяналт тавих ёстой. Үүнийг л би хэлж байна.
