Нөөцийн махны нийлүүлэлтээс болж Ерөнхий сайд Н.Учрал энэ сарын 16-ны бямба гарагт Хотын даргаар ажиллаж байсан Х.Нямбаатарыг ажлаас нь чөлөөлсөн билээ. Улмаар хотын шинэ даргыг сонгогдтол НЗД-ын орлогч Б.Мөнхбат хотын даргын үүргийг гүйцэтгэж буй.
Албан бус байдлаар хотын шинэ даргад НИТХ-ын төлөөлөгч Ж.Сандагсүрэн, МАН-ын нарийн бичгийн дарга, тус намын Залуучуудын холбооны Ерөнхийлөгч Б.Пүрэвдагва тэргүүтэй хүмүүсийн нэр идэвхтэй яригдаж байгаа. Тэгвэл өнөөдөр 10.00 цагаас хотын шинэ даргыг албан ёсоор тодруулах Нийслэлийн МАН-ын хорооны хурал Тусгаар тогтнолын ордонд эхлэх гэж байна.
Улмаар маргааш буюу мягмар гарагийн 11.00 цагаас НИТХ-ын ээлжит бус XII хуралдаанаар Нийслэлийн Засаг дарга бөгөөд Улаанбаатар хотын Захирагчид нэр дэвшүүлэх асуудлыг хэлэлцэх юм.
