Таван хоногийн өмнө буюу /2025-02-05/-ны өдөр Баянзүрх дүүргийн 11-р хороонд дөрвөн иргэн гэртээ шатаж амиа алджээ.
Энэ талаар ЦЕГ-аас “Цагдаагийн байгууллагад энэ оны хоёрдугаар сарын 05-ны өдрийн 22:00 цагт “Ургах наран хорихоос хойш гал гараад байна” гэх дуудлага, мэдээлэл бүртгэгдсэн. Дуудлага мэдээллийн дагуу явуулсан шалгалтаар Баянзүрх дүүргийн 11 дүгээр хорооны нутаг … тоотод монгол гэр шатаж, дөрвөн иргэн нас барсан харамсалтай нөхцөл байдал тогтоогдсон. Тус газар насанд хүрээгүй гурван иргэн, 34 настай насанд хүрсэн нэг иргэн байсан.
Тухайн иргэн нь цагдаагийн байгууллагад ажиллаж байсан 2024 оны 08 дугаар сард албанаас чөлөөлөгдсөн байсан” гэх мэдээллийг өглөө.
Одоогоор гал гарсан шалтгааныг тогтоогоогүй байгаа бөгөөд цагдаагийн байгууллагад мөрдөн шалгах ажиллагаа үргэлжилж байна.
