УИХ дахь Ардчилсан намын гишүүн Ч.Лодойсамбуу Засгийн газар, Ерөнхий сайд Л.Оюун-Эрдэнийг огцруулах санал гаргаж, бусад гишүүдийн гарын үсгийг цуглуулна гэсэн.
Түүний огцруулах саналд хамгийн түрүүнд нэгдэж гарын үсэг зурсан гишүүн бол Ж.Баярмаа. Үүний хариуд намынх нь дарга Л.Гантөмөр дээрх хоёр гишүүнд хариуцлага тооцно ч хэмээн мэдэгдээд байсан.
Тэгвэл Ардчилсан намын дарга Л.Гантөмөр өнөөдөр Зөгий.мн сайтад ярилцлага өгөх үеэрээ намын гишүүдээ “урвагч”-аар нь дуудав.
Тодруулбал тэрбээр “Би 126 хүн нэр дэвшүүлэхдээ бүгдтэй нь намын бодлогоо дагана гэсэн гэрээ хийсэн. Засгийн газар байгуулагдаад зургаан сарын дараа урваж байгаа хүмүүс энэ намд цаашид хань болох уу? Дараагийн сонгуульд нам юу бодож энэ хүмүүсийг дахин дэвшүүлэх вэ?
Ойрын хугацаанд улс төрийн зөвлөлийн гишүүдийг хуралдуулж, хоёр гишүүний асуудлыг заавал авч хэлэлцэнэ” гэлээ.
