УИХ-ын гишүүн Ч.Лодойсамбууг эгүүлэн татах гарын үсэг цуглуулна гэж сонгогдсон тойргийнх нь иргэдийн төлөөлөл мэдэгдлээ.
Тэд өнөөдөр хэвлэлийн бага хурал хийх үеэрээ d.parliament платформд гарын үсэг цуглуулж, яаралтай энэ асуудлыг шахаж шаардана гэв.
УИХ-ын гишүүн Ч.Лодойсамбуугийн хувьд Нийсэлийн Хан-Уул дүүрэгт Ардчилсан намаас нэр дэвшин, сонгогдсон юм.
Харин Хан-Уул дүүргийн иргэдийн төлөөлөл өнөөдөр ярихдаа “Дүүргээс сонгогдчихоод нэг ч удаа эргэж ирж уулзаагүй. Сард 20 сая төгрөгийн түрээс төлж амьдардаг гэсэн. Гэтэл энэ төрийн албан хаагчийн нэг жилийн цалин шүү дээ. Үүнийгээ зүгээр мэт тайлбарлаж байна. Мөн Үндэсний баялгийн сангийн тухай хуулийг гэнэтхэн эсэргүүцсэн. Түүнийг Монголын олигархиудын гар хөл болчихлоо гэж харж байна. Сонгуульд нэр дэвшихдээ авсан хандиваа ч тайлбарлахгүй байна. Нэн даруй эгүүлэн татмаар байна” гэхчлэн хэллээ.
