Эрдэнэс Тавантолгой”-н 1072 хувьцааны ногдол ашгийн талаарх санал асуулгыг E-Mongolia-гаар дамжуулан авч байгаа. Уг санал асуулга нь та өөрт оногдох ногдол ашгийг
- нэгдүгээрт, бэлэн мөнгөөр,
- хоёрдугаарт, хуримтлалын санд (Баялгийн сан) төвлөрүүлэх,
- гуравдугаарт, хандив буюу нийслэлийн дэд бүтэц, агаарын бохирдлыг бууруулах чиглэлд зарцуулахад хандивлах гэсэн гурван хариулттай.
Уг санал асуулгад оролцоогүй тохиолдолд шууд иргэдийн дансанд ногдол ашиг бэлэн мөнгөөр орох юм. Өчигдрийн 18 цагийн байдлаар нийт 256423 иргэн санал асуулгад оролцсоноос 243 мянга нь бэлэн мөнгөөр авах, 12 мянган иргэн баялгийн санд төвлөрүүлэх, 769 хүн нийслэлийн дэд бүтэц, агаарын бохирдлыг бууруулах чиглэлээрх төсөлд хандивлахаар хариулсан байна.
