“Эмээлт эко аж үйлдвэрийн парк” нь 5600 гаруй тогтвортой ажлын байр шинээр бий болгох, арьс ширний чанарыг сайжруулан түүхий эдийн хаягдал багасгах зорилгоор арьс ширний экспортын хэмжээг өсгөх олон үр өгөөжийг дагуулсан төсөл юм.
Хан-Уул дүүргийн 20-р хороонд үйл ажиллагаа явуулж буй арьс шир, ноос боловсруулах үйлдвэрүүдийг Эмээлт эко аж үйлдвэрийн паркруу нүүлгэн шилжүүлснээр Туул голын ай сав газрын бохирдсон хөрсийг нөхөн сэргээнэ гэж үзэж байгаа бөгөөд Улаанбаатарт 2040 оны ерөнхий төлөвлөлттэй уялдуулан дахин төлөвлөж оршин суугчид, аж ахуйн нэгжүүдэд ээлтэй, ногоон байгууламж бүхий, нийгмийн цогц үйлчилгээг бүрдүүлсэн тохилог орчинг бий болгоно хэмээн тооцож буй аж.
Тэгвэл Эмээлт эко аж үйлдвэрийн паркаас өнөөдөр дараах мэдээллийг өглөө.
Тодруулбал: “Эмээлт эко аж үйлдвэрийн паркт үйл ажиллагаа эрхлэх үйлдвэр, ААН-тэй паркийн нэгжийн гэрээ болон паркт газар ашиглах гэрээ байгуулснаар төсөл хэрэгжиж эхлэхэд Үйлдвэрлэл, технологийн паркийн зориулалтаар эзэмшиж, ашиглаж байгаа газрыг эхний 10 жилд газрын төлбөрөөс 100% чөлөөлнө” гэв.
