Наурызын баярт зориулсан хүчит 128 бөхийн барилдаанд Улсын арслан Б.Орхонбаяр түрүүллээ. Долоогийн даваанд Улсын заан С.Сүхбатыг өвдөг шороодуулж, автомашины эзэн боллоо.
Улсын заан Б.Серик, улсын арслан Ц.Бямба-Отгон нар шөвгөрлөө. Наймд улсын харцага Ц.Мөнхбаяр, улсын харцага Т.Сайханжаргал, улсын өсөх идэр начин Н.Мустафа, аймгийн хурц арслан Д.Алтанцоож нар үлдэв.
Тус барилдааны түрүү бөх Prius30 маркийн автомашин гардсан бол үзүүр бөх 4 сая, дөрөвт үлдсэн бөхчүүд тус бүр 2 сая төгрөгийн бай шагнал гардсан юм.
Маргааш буюу гуравдугаар сарын 23-ны Ням гарагт 11:00 цагаас Дорнод аймгийн Булган сумын нэрэмжит аймаг, цэрэг, сумын цолтой болон залуу 256 бөхийн барилдаан болно.
