“Icetop” хамтлагийн гишүүн Б.Оргил-Эрдэнийн мансуурсан байж болзошгүй бичлэг өнгөрсөн долоо хоногт цахим орчинд цацагдсан. Тэрбээр бичлэг дээрээ хар тамхи хэрэглэж байж болзошгүй үйлдэл гаргасан байдаг. ЦЕГ-аас “Уг бичлэгийн дагуу шалгалтын ажиллагаа явуулсан. Урьдчилсан байдлаар Б.Оргил-Эрдэнэ нь Монголд биш гадаадад байгаа нөхцөл байдал тогтоогдож байна” гэх мэдээллийг өгсөн. Тэгвэл Б.Оргил-Эрдэнийн дүү Б.Од-Эрдэнэ түүнтэй холбоо бариагүй 8 хоносон тул ахыгаа эрэн хайж байгаа талаар пост бичжээ. Тэрбээр “Шинэ 7 хоногийг таагүй мэдээгээр эхэлүүлэх нь дээ. 2025.04.06- аас хойш 2025 оны 4 сарын 14-ны 05:34 минут хүртэл. Нэг ч сураг алга. Нэг ч чимээ алга. Монголчууд НЭГНЭЭ бариад ИДЧИХ вүү. Хар буруу САНАЖ болохгүй ч нэгнийхээ ТОЛГОЙ-г л БҮҮ залгичихсан байгаасай билээ.
Гэр бүлийн минь ГАНЦ АМИН ХАЙРТАЙ Ах минь. Хэдэн ч өдөр нойргүй хонов. Хэдэн ч өдөр шаналж юм бодов. Сүүлдээ хүн элдэв янзаар ЮМ юм л боддог юм байна” гэжээ.
