Их хотын завгүй оюутан Н.Нандинцэцэгийг их сургуулиа төгсөхөд хөдөө нутгийн малчин Г.Ганхүрэл ирж, тэд дахин уулзах уу гэдэг асуулт олон нийтэд хүлээлт үүсгээд байна.
Баянхонгор аймгийн Заг сумын залуу малчин Г.Ганхүрэл, Улаанбаатар хотын унаган охин Н.Нандинцэцэг нарын оролцсон “Хотын бүсгүй хөдөө нутагт-10” нэвтрүүлэг олны анхаарлыг ихэд татсан. Тэдний нэвтрүүлгийн эерэг давлагаа цахим орчинд түгсээр буй юм.
Тус нэвтрүүлгийн тусгай дугаарын оролцогч хотын унаган охин Н.Нандинцэцэг их сургуулийн төгсөлтийн хонхны баяртаа Г.Ганхүрэлийг урьж, уулзахаар болсон.
Тэгвэл Тэдний Уулзалтаар “ETV” Телевиз Дахин Тусгай Дугаар Хийх Аж.
Н.Нандинцэцэг ярилцлагадаа, “Миний хонхны баяр хавар, тавдугаар сард болно. Би өөрөө ч ирэх байх гээд хүлээгээд найдаад л байж байна даа. Хөдөө эмэгтэй хүн их цөөхөн юм шиг ажиглагдсан. Сум, аймгийг нь хараад байхад нэг их эмэгтэй хүн харагдаагүй. Ихэнх нь хот газар бараадсан байх. Тийм болохоор хөдөө ийм гоё амьдрал байдаг шүү гэдгийг харуулах нь л энэ нэвтрүүлгийн гол санаа шүү дээ. Хөдөөгийн болзоо их гоё санагдсан. Анх удаа надад эрэгтэй хүн тийм сэтгэл гаргаад, гэнэтийн бэлэг барьсан нь их хөөрхөн байсан шүү. Их татагдсан. Ер хөдөөгийн болзоо хотын болзооноос илүү гоё байсан. Надад сумынхаа соёлын төвд гэнэтийн бэлэг барьсан. Соёлын төвийг нь харахад бүх юм байсан” гэж байв.
Мэдээллийн эх сурвалж: eguur.mn
