Бусдын гарт харгис, хэрцгийгээр амиа алдсан талийгаач охины аав цахим хуудастаа ийнхүү бичжээ.
“За та бүхэнд энэ шөнийн мэнд хүргэе.
Зарим нэг хүмүүс аав нь мөн үү гэж…Face рүү нь орхоор охиных нь зураг бхгүй…Өөр дуулсан, хуурдсан post share л байна гэхиймаа. Миний бие ганц охиноо алдсанаас хойш шаналаагүй өдөр хоног гэж байсангүй. Хэзээ ч энэ шаналал минь дуусахгүй. Охины дараа хоол орохгүй, нойр хүрэхгүй 15 кг турж, үс минь цайрч эхэлсэн. Тв, сошиалаар охин хүүхдийн тухай кино, дуу явах болгонд сувгаа солино. Гадуур үе тэнгийн охид нь явж байхыг хараад нүдэндээ нулимстай. Зүрх зүсээд, хэмлээд хаячих шиг болдог. Наанаа инээж, хүнтэй ярьдаг ч дотроо үхэж байдаг.
Хүн болгонд охиныхоо зураг, бичлэг, дуулсан дууг нь олон нийтэд харагдхаар тавих албагүй. Охинтойгоо үе тэнгийн найзууд шиг инээж, хөхөрч явдаг байлаа. Энэ хэргийг эцсийг нь хүртэл явна. Хэрэв ял, шийтгэл нь үнэн зөвөөр шийдэгдэхгүй бол ганц охиноо алдсан эцэг хүн ямар байхыг энэ бузар нийгэмд харуулна. Өөр эцэг, эх хэнд ч ийм зүйл бүү тохиолдог” гэжээ.
