Япон улс түүхэндээ анх удаа эмэгтэй ерөнхий сайдтай болж байна. Тодруулбал, Японы эрх баригч Либерал Ардчилсан намын даргаар эдийн засгийн аюулгүй байдлын сайд асан 64 настай Такаичи Санаэ сонгогдлоо. Түүнийг “Охин Абе” хэмээн хочилж эхлэхтэй зэрэгцэн хуучинсаг үзэлтэй хэмээх шүүмжлэл зэрэг өрнөж байна.
Тэрбээр өмнө нь Засгийн газрын гишүүн, телевизийн хөтлөгч, хүнд металл хамтлагийн бөмбөрчин байсан бөгөөд Японы эрх баригч Либерал ардчилсан намын (LDP) 70 жилийн ойгоор даргаар сонгогдсон нь түүнийг тус улсын анхны эмэгтэй Ерөнхий сайд болж байгаа нь энэ юм.
Түүнийг ажлаа дөнгөж аваад байгаа энэ цаг үед эхний ээлжинд Япон улсын эдийн засгийн уналт, зогсонги инфляци, олон улсын хэмжээнд АНУ-Японы харилцааг зохицуулж, өмнөх засгийн газрын тохиролцсон Трампын засаг захиргаатай тарифын хэлэлцээрийг хийх зэрэг сорилттой тулгарч байгаа.
