Өнгөрсөн 2024 оны зургаадугаар сард 12 хоногийн зайтай 16 болон 32 настай хоёр эмэгтэйг онц хэрцгийгээр хөнөөж цогцсыг чемодан болон шкафанд нуусан хэрэг гарсан.
Тус хэргийн шүүхийн урьдчилсан хэлэлцүүлэг өнгөрсөн сарын 17-нд болж, хэргийг прокурорт буцааж шийдвэрлэсэн. Урьдчилсан хэлэлцүүлгийн өмнөхөн амь хохирогч 16 настай охины ээж О.Отгонтуяа хэргийн газар сууж байсан Н,Э нарын зургийг олон нийтийн сүлжээнд нийтэлсэн. Тус зурагт буй хоёр хүнийг прокуророос хохирогч гэж үзээд буй.
Удалгүй охины ээж О.Отгонтуяа дахин нэг зураг нийтэлж “Инээгээд сууж байгаа хүүхдүүд хохирогч уу” хэмээсэн юм.
Тэгвэл бусдын гарт онц хэрцгийгээр амиа алдсан 16 настай охины ээж О.Отгонтуяа прокурор Янжиндулам, Баясгалан нараас татгалзахаар болжээ.
