Баянзүрх дүүрэгт 3 өрөө байр бүрэн шатаж байсныг унтрааж, утаажилтын бүсээс 123 иргэнийг гаргажээ

Сүүлийн 24 цагийн хугацаанд нийслэл болон орон нутагт гал түймрийн хэд хэдэн тохиолдол бүртгэгдэж, орон сууц, хувийн байшин, худалдааны төвүүд өртөн шатжээ. Мөн ой, хээрийн түймрийн улмаас олон мянган га талбай шатсан талаар ОБЕГ-аас мэдээллээ.

Улаанбаатар хот, Баянзүрх дүүрэг 26 дугаар хороо 4 дүгээр давхрын 10 тоот Айлаас гал гарч байна гэсэн дуудлагыг 04.19-ний өдрийн 20:50 цагт хүлээн авсан. Хан-Уул дүүргийн Онцгой байдлын хэлтсийн 14 дүгээр ангийн алба хаагчдыг очиход иргэн У-ийн 106 метр.кв 3 өрөө байр бүрэн шатаж байсныг ажиллаж унтраасан. Утаажилтын бүсээс нийт 123 иргэн /58 том хүн, 65 хүүхэд/-ийг аюулгүй бүсэд гаргасан.