Зэвсэгт хүчний жанжин штабаас Баянхонгор аймаг дахь 339-р ангид цэрэг амиа алдсан асуудлаар мэдээлэл өглөө.
Тодруулбал, Баянхонгор аймаг дахь 339-р ангид цэрэг амиа алдсан нь гадны нөлөөгүй, эрүүл мэндийн шалтгаанаар амиа алдсан байж болзошгүй гэж үзэж байгаа гэв.
Баянхонгор аймаг дахь Зэвсэгт хүчний 339 дүгээр ангийн хугацаат цэргийн албан хаагч 2026.05.19-нд учир битүүлгээр амиа алдсан хэрэг гараад байна. Цэргийг камергүй өрөөнд зодсоны улмаас амиа алдсан байх магадлалтай гэсэн мэдээлэл гараад байгаа юм.
Хэргийн талаар ЗХЖШ-аас тодруулахад “Цэрэг нас барсан нь үнэн. Цагдаагийн байгууллага шалгаж байгаагаас ЗХЖШ-аас Хяналт шинжилгээ үнэлгээний газраас баг очиж шалгалтын ажиллагааг явуулж байна.
Тиймээс нарийн мэдээлэл өгөх боломжгүй. Урьдчилсан байдлаар цэрэг гадны нөлөөгүй, эрүүл мэндийн шалтгаанаар амиа алдсан байж болзошгүй гэж үзэж байгаа” гэлээ.
