Хөвсгөл аймгийн Жаргалант суманд бага насны хүүхэд тогонд цохиулж нас барсан ноцтой хэрэг гарсан. Энэ талаар ЦЕГ “Цагдаагийн байгууллагад “Хөвсгөл аймгийн Жаргалант сумын 5-р багт 2 настай эрэгтэй хүүхэд тасарсан цахилгааны утасны үзүүрээс барьж, цахилгаан хүчдэлд цохиулж, нас барсан” гэх дуудлага мэдээллийг хүлээн авч шалгах ажиллагаа явуулж байна.
Урьдчилсан байдлаар амь хохирогч модон шонгийн доод ёзоор өмхөрч унаснаас болж цахилгааны утас тасарсан байсныг барьсан байж болзошгүй нөхцөл байдал байна” гэлээ.
Орон нутгийн эх сурвалжаас тодруулахад “Хоёр хоногийн өмнө (2026.05.31) айлын хашаанд салхинд эрчим хүчний шон унасан. Шонгийн цахилгаан утсанд хүүхэд хүрснээс ийм харамсалтай явдал боллоо. Манай сум 3 аймгийг холбосон залгаа сум учраас хөл хөдөлгөөн, барилгажилт ихтэй. Хүүхэд эрсдэх нөхцөл байдал хаа саагүй байна” гэв.
Мэдээллийн эх сурвалж: focus.mn
