“Ноорог”-ийн гэх тодотголтой О.Уламсайханд холбогдох хэрэгт прокуророос яллах дүгнэлт үйлдэж, хэргийг шүүхэд шилжүүлжээ.
Тодруулбал, түүнийг өөрийн найз охин Т-г амиа хорлоход хүргэсэн буюу Эрүүгийн хуулийн 10.4 буюу “Хүнийг амиа хорлох нөхцөл байдалд хүргэх” зүйл ангиар яллаж, хэргийг шүүхэд шилжүүлсэн байна.
Эл хэргийг эргэн сөхвөл, О.Уламсайханы найз охин Б.Т нь 2024 оны есдүгээр сард гэртээ амиа хорлосон байдалтай нас барсан билээ. Уг хэрэгт шалгаад прокуророос О.Уламсайханыг найз охин Б.Т-г амиа хорлох нөхцөл байдалд хүргэсэн буюу Эрүүгийн хуулийн 10.4 дүгээр зүйлд зааснаар яллаж, хэргийг шүүхэд шилжүүлжээ. ЭХ-ийн 10.4 дүгээр зүйлд найм хүртэл жилийн хорих ялтай зүйл ангитай юм байна.
Мэдээллийн эх сурвалж: dorgio.mn
