Боловсролын яамнаас төрийн өмчийн сургууль, цэцэрлэг, МСҮТ-ийн албан хаагчдад сар бүр 100 мянган төгрөгийн хоолны мөнгө олгохоор шийдвэрлэжээ.
Тодруулбал, тухайн багш, ажилтны 2025 оны цалингийн батлагдсан төсөвт багтаан орон нутагт 107.500 төгрөг, нийслэлд 172 мянган төгрөгийг энэ сараас эхлэн олгохоор болсон байна. Уг нэмэгдлийг улсын хэмжээний 2464 цэцэрлэг, ерөнхий боловсролын сургууль, МСҮТ-ийн 88.6 мянган албан хаагч авна.
Нэмэгдэл олгоход энэ жил улсын төсвөөс 115.9 тэрбум төгрөг гаргах бөгөөд цаашид хувьсах зардлын бүрэлдэхүүнд хоол, унааны төлбөрийг тусгахаар Боловсролын яамнаас Засгийн газрын тогтоолд нэмэлт өөрчлөлт оруулахаар ажиллаж байгаа ажээ.
Улаанбаатар хотын багш, ажилтнуудад олгох хоолны зардал өмнө нь нэг өдрийн 8000 төгрөг байсан бол орон нутгийн багш, ажилчдынх 5000 төгрөг байв.
Мэдээллийн эх сурвалж: duuren.life
