Энэ сарын 20-21-нд шилжих шөнө Архангай аймагт гурван настай охиныг хойд эцэг нь зодсон гэх мэдээлэл бий. Улмаар тархи нь хүнд гэмтэж, элэг нь бяцарч эмнэлэгт хүргэгдсэн байна. Гэвч ухаан орохгүй байсаар амь насаа алдсан.
Сэжигтний ээж “Хүү маань хөдөөнөөс орж ирээд дөрвөн жил блокны үйлдвэрт ажиллаж байна. Хамт олонтойгоо нийтэч, хөдөлмөрч, архи уудаггүй. Хүүгийн маань эхнэр надтай уулздаг, хүүхдээ дагуулаад ирдэг байсан. Би хоол хийж өгнө, мах шөлгүй гэхээр нь мах, хүнс өгч явуулдаг байлаа. Ойр тойронд нь амьдарч байгаа хүмүүсээс сонсоход ааш муутай, архины хамааралтай гэдэг. Харин миний хүүд охин нь их сайн ааваа гээд л дагаад явдаг байсан. Хүү маань “Энэ гаргахгүй дагаад явах юм” гэдэг зүйл ярьдаг байсан. Хүү маань энэ эмэгтэйтэй өмнөх оны есдүгээр сарын 20-ноос хамт амьдарсан. Би хэргийн газар байсан байсан бол нялх амьтны амийг аврах байлаа. Амь насаа алдсанд нь үнэхээр харамсаж байна: Эцэг эх, ах дүүст нь гүн эмгэнэл илэрхийлье. Миний хүү ийм хэрэг хийнэ гэдэгт итгэхгүй байна” гэв.
Мэдээллийн эх сурвалж: zarig.mn
