Нийслэлийн Засаг даргын орлогч асан Т.Даваадалайг АТГ-аас шалгаж буй. Тэгвэл түүнийг гэмт хэргийн нотлох баримтыг устгах, дахин гэмт хэрэг үйлдэж, гэрч, хохирогч зэрэг бусад хэргийн оролцогч нарт нөлөөлж болзошгүй гэдэг үндэслэлээр цагдан хорьж, таслан сэргийлэх арга хэмжээ авхуулахаар шүүхэд хүргүүлжээ.
Эргэн сануулахад, түүнийг, эхнэрийнхээ болон эхнэрийнхээ үеэл дүүгийн үүсгэн байгуулсан ААН-д ₮5.6 тэрбум, эхнэрийнхээ найзын үүсгэн байгуулсан хоёр ААН-д ₮709 сая, түүнчлэн эхнэрийнхээ 50% эзэмшдэг ААН-д ₮47.9 сая, нийт ₮6.6 тэрбумыг угаасан байж болзошгүйгээр шалгасан. Цагалбарын хувьд, дөрөвдүгээр сарын 25-нд ЭЦА-наас гэрт нь нэгжлэг хийж, 27-нд 48 цагийн хугацаатайгаар цагдан хорьсон.
